"La prevenzion no à etât... vaciniti!" - Open Day HPV
Vacinazion cuintri dal Papillomavirus, ai 23 di Dicembar
Il Dipartiment di Prevenzion al organize un open day pe vacinazion cuintri dal Papillomavirus te sede di Udin (vie Scluse, 2) par martars ai 23 di Dicembar.
Il servizi al sarà in vore des 9.00 aes 13.00 e des 14.00 aes 17.00, cun acès libar e sore nuie, ancje dome par informazions.
La vacine anti-HPV e difint des infezions dal Papillomavirus uman e dai tumôrs che a son corelâts a chest.
La vacinazion e je sore nuie par feminis e oms residents in Friûl-Vignesie Julie, che no vedin mai fate cheste vacinazion, fin ai 30 agns di etât.
Fin ai 26 agns l'acès al è libar.
Se tu âs tra i 27 e i 30 agns tu âs di notâti clamant il numar 0432 553225 dal lunis al vinars des 10:00 aes 13:00 o se di no, il servizi vacinâl di apartignince (viôt chi vacinazions).