Distret sociosanitari Riviere Basse Furlane: gnûf miedi di medisine gjenerâl a Lignan
Cul 1n di Avrîl
La Direzion dal Distret sociosanitari de Riviere Basse Furlane e informe che cun miercus il 1n di Avrîl e scomence la sô ativitât di miedi di medisine gjenerâl di assistence primarie la dot.e Centa Maria Cristina tal ambit teritoriâl di Lignan - Tisane e Roncjis.
La dot.e Centa e ricêf tal ambulatori di Lignan (vie Tarvisio n. 5) cun chest orari, su apontament, fûr che in câs di urgjencis:
- lunis des 9:00 aes 12:00 e des 16:00 aes 18:00
- martars des 09:00 aes 13:00
- miercus des 13:30 aes 17:30
- joibe des 9:00 aes 13:00
- vinars des 9:00 aes 13:00
Telefon: 0431 1938181
I pazients che a vuê no àn il miedi di sielte e che a jerin cul dot. Neri fin ae cessazion a ricevaran vie pueste ordenarie la tessare sanitarie cu la assegnazion ae dot.e Centa. Chescj pazients a saran assegnâts in automatic ae dot.e Centa. Si precise che l'utent al podarà in cualsisedi moment modificâ cheste sielte in favôr di un altri miedi di medisine gjenerâl che al operi tal ambit teritoriâl specificât parsore o ben intun ambit teritoriâl dal dulintor, daûr de disponibilitât di puescj che ognidun al à.
La sielte e sarà pussibile dome cul 1n di Avrîl, midiant dal portâl Sesamo, li dal sportel anagrafe sanitarie e midiant de direzion di pueste eletroniche uff-amm-latisana@asufc.sanita.fvg.it