Un gnûf acès pal Pront Socors di San Denêl a tacâ di vinars ai 21 di Març
miercus 26 di Març dal 2025
La Direzion Mediche dal Presidi Ospedalîr di San Denêl - Tumieç e informe che si previodin modifichis par jentrâ tal Pront Socors de Sede di San Denêl par vie dai lavôrs che si fasaran in chê zone li.
Ven a stâi:
- a tacâ di vinars ai 21 di Març, il Pront Socors al sarà atîf intal plan tiere, te aree de portinarie e dal ex bar dal presidi: si podarà jentrâ dal ingrès dal Paveon G
- La jentrade e la zone che e je devant dal Paveon G a saran disponibilis dome pai mieçs di emergjence e pal ingrès dai utents che a àn bisugne di prestazions calcoladis di urgjence/emergjence
- L'ingrès doprât cumò par jentrâ tal Pront Socors al sarà sierât
- Se si à di jentrâ te Sede dal Ospedâl par fâ prelêfs, visitis, o par lâ tai ambulatoris e tes degjencis, l'ingrès principâl al è tal Paveon S
- In orari noturni (des 20:00 aes 6:00), il personâl reperibil e i utents che a àn di assisti parincj intai reparts di degjence a podaran jentrâ intal Presidi Ospedalîr pal ingrès dal Pront Socors
- I percors autorizâts te zone esterne dal presidi a son segnâts te planimetrie in zonte
Il personâl dal Presidi Ospedalîr al sarà a disposizion par judâ i utents cui gnûfs acès e par indreçâju in maniere corete.
Te planimetrie in zonte a son lis indicazions pes gnovis jentradis.