Distret sociosanitari dal Friûl di Mieç: gnûf miedi di medisine gjenerâl

La Direzion dal Distret Sociosanitari dal Friûl di Mieç e informe che cun miercus ai 4 di Novembar al tacarà il so servizi un gnûf miedi di medisine gjenerâl, la dot.e Sara Barbuio, cun ambulatori a Basilian in vie Manzoni, 40.

La dot.e Sara Barbuio e ricêf par apontament (telefon 3294926135) ta chestis zornadis e oraris:

• lunis des 15.00 aes 17.00
• martars des 9.00 aes 11.00
• miercus des 8.00 aes 10.00
• joibe des 9.00 aes 11.00
• vinars des 13.00 aes 15.00

La sielte dal gnûf Miedi di Medisine Gjenerâl e podarà jessi fate - scomençant cui 4 di Novembar - cun chestis modalitâts: 

• jentrant sul Portâl SESAMO midiant dal Sisteme Public di Identitât Digjitâl (SPID), de Cjarte di Identitât eletroniche (CIE) o de Cjarte regjonâl/nazionâl dai servizis (CRS o CNS) 
• inviant la domande di assegnazion a une di chestis direzions di pueste eletroniche: 
• anagrafe.sanitaria1.dist.codr@asufc.sanita.fvg.it 
• cambiomedicocodroipo@asufc.sanita.fvg.it 
• scrivint la preference pal Miedi e metint in zonte la tessare sanitarie di cjarte e un document di identitât valit. Si precise che lis domandis rivadis par pueste eletroniche a ricevaran une rispueste par ordin cronologjic daûr di cuant che a son rivadis, tal zîr di 4/5 dîs di vore, se i sportei a son vierts al public. Dome la sielte fate di persone tal Sportel o midiant di SESAMO e garantìs che il miedi al sedi assegnât daurman.
• di persone – puartant cun se la letare inviade a cjase, la tessare sanitarie di cjarte e un document di identitât valit – tal Sportel de Anagrafe Sanitarie li de "Cjase de Comunitât" HUB di Codroip, tal prin plan (ex RSA) dal edifici sede dal Distret Sociosanitari in viâl Duodo n. 82, tai oraris e daûr des modalitâts di acès za specificadis (cjapant apontament): Si ricuarde ancje che al è stât viert di gnûf il Sportel de Anagrafe Sanitarie di Mortean, che si cjate li dal "Pont Salût di Comunitât" di vie XXV di Avrîl, 5. Si pues acedi par apontament ogni miercus des 9.00 aes 13.00.

Si racomande di clamâ la Anagrafe Sanitarie al numar 0432 1910165 di lunis a vinars des 9.00 aes 12.30 par ducj i sclariments e par fissâ un apontament di mût di no stâ a spietâ dibant tai sportei.