Make Sense Campaign 2025
martars 16 di Setembar dal 2025
Il Dipartiment Cjâf Cuel e Neurosiencis di ASU FC al partecipe ae campagne di sensibilizazion pe prevenzion e pe diagnosi precoce des neoplasiis de zone cjâf e cuel.
Il Dipartiment Cjâf Cuel e Neurosiencis di ASUFC al aderìs ae campagne europeane pe diagnosi precoce dai tumôrs dal cjâf e dal cuel "Make Sense Campaign" che si davuelzarà dai 15 ai 20 di Setembar.
La iniziative e je promovude de Societât Europeane dai Tumôrs Cjâf Cuel (European Head and Neck Society, EHNS) e coordenade a nivel talian de Associazion Taliane di Oncologjie Cervico-Cefaliche (AIOCC).
L'obietîf al è chel di:
- rispuindi ae mancjance di cognossince che il grant public al à su lis patologjiis oncologjichis dal cjâf e de zone dal cuel
- Incressi la cussience su la impuartance de prevenzion
- ufrî al public un servizi sore nuie di prevenzion e diagnosi precoce pai tumôrs dal cjâf e dal cuel
Par chest motîf, te setemane dedicade ae campagne, lis consulencis si davuelzaran in chestis zornadis e oraris li dal:
- Presidi Ospedalîr Sante Marie de Misericordie di Udin:
- Cliniche di Chirurgjie Maxillo Faciâl (Paveon 15, plan tiere): lunis ai 15 di Setembar, des 8:30 aes 13:30; joibe ai 18 di Setembar, des 14:30 aes 18:00;
- Cliniche di Chirurgjie Plastiche (Paveon 15, plan tiere): martars ai 16 di Setembar, des 14:30 aes 18:00; vinars ai 19 di Setembar, des 08:40 aes 13:30
- Struture di Odontostomatologjie (Paveon 15, plan tiere): miercus ai 17 di Setembar des 8:30 aes 13:30
- Struture di Otorinolaringoiatrie (Paveon 5, 5t plan): miercus ai 17 di Setembar des 14:30 aes 18:00
Si puedin prenotâ lis consulencis inviant une email ae direzion clinicachirurgiamaxillofacciale@asufc.sanita.fvg.it
- Ospedâl di Tumieç
- Struture di Otorinolaringoiatrie (Ospedâl Vecjo, 1nplan): miercus ai 17 di Setembar des 9 aes 14 - jentrade libare cence prenotazion