Macelazion suins a domicili par ûs familiâr: adempiments pe campagne 2025-2026
martars 28 di Otubar dal 2025
In ocasion de stagjon di macelazion dai suins autunâl e invernâl, dai 15 di Otubar dal 2025 ai 15 di Març dal 2026 e sarà permetude la macelazion a domicili par un ûs dome familiâr.
In ocasion de stagjon di macelazion dai suins autunâl e invernâl, dai 15 di Otubar dal 2025 ai 15 di Març dal 2026 e sarà permetude la macelazion a domicili par un ûs dome familiâr, cu lis modalitâts indicadis tal "Protocollo macellazione a domicilio per autoconsumo familiare privato delle carni di suino"
Si racomande di lei cun atenzion il protocol operatîf.
In particolâr si ricuarde che, viodût il cuadri epidemiologjic nazionâl de infezion puartade dal virus de PESTE SUINE AFRICANE (PSA) e tignût cont dal fat che la nestre Regjon pal moment no je ancjemò tocjade di cheste malatie, al è une vore impuartant rispietâ lis buinis pratichis di lavorazion e, soredut, garantî un smaltiment idoni dai sotprodots.
Si ricuarde duncje ai utents che la notificazion e à di jessi presentade almancul 3 dîs lavoratîfs prime che la macelazion e tachi e che chest oblic al è vincolant par une procedure di notificazion corete.
In considerazion dal particolâr cuadri epidemiologjic nazionâl, al è improibît fâ macelâ suins di tierçs intai stabiliments comerciâi (arlevaments di ingràs).
I vissars e chei altris scarts de macelazion a àn di jessi metûts intun contignidôr impermeabil che al vedi un tapon, se pussibil a tignude ermetiche, o intun contignidôr, simpri impermeabil, conservât intun locâl sierât, che al impedissi l'acès ai animâi.
Par smaltî il dut in maniere corete, i operadôrs a varan di clamâ une des ditis specializadis, autorizadis daûr dal Reg. CE/1069/2009, che à àn dât la lôr disponibilitât. I recapits a son chescj:
- IDONEA SRL Cjampfuarmit (UD): 349/2274705
- CO.GE. ECOLOGICA Cordenons (PN): 0434/43623 o pûr 347/7934365
- TRIVENETA GRASSI SRL Puart (VE): 0421/476033 o pûr 338/5606562
Par une organizazion logjistiche plui funzionâl, si domande di contatâ la dite sielte par prenotâ il servizi di ritîr dai SOA di categorie 3, dal lunis al vinars e dut câs prime de macelazion a domicili.
Ancje pe campagne 2025-2026, cheste procedure no varà coscj pal operadôr.
Si vise che ancje par cheste campagne di macelazion si previodin controi a campion par verificâ lis infestazions di Trichinella e par tignî sot control la malatie di Aujeszky.