Macelazion suins a domicili par ûs familiâr: campagne 2023-2024

Tal periodi autunâl e invernâl de macelazion dai suins, dai 15 di Otubar dal 2023 ai 15 di Març dal 2024, la macelazion a domicili par ûs dome familiâr e sarà permetude daûr des modalitâts previodudis de documentazion che si pues discjamâ intai leams chi sot.

In particolâr si ricuarde che, viodût il cuadri epidemiologjic nazionâl de infezion puartade dal virus de PESTE SUINE AFRICANE (PSA) e tignût cont dal fat che la nestre Regjon pal moment no je ancjemò tocjade di cheste malatie, al è une vore impuartant rispietâ lis buinis pratichis di lavorazion e, soredut, garantî un smaltiment idoni dai sotprodots.

Si ricuarde duncje ai utents che la notificazion e à di jessi presentade almancul 3 dîs lavoratîfs prime che la macelazion e tachi e che chest oblic al è vincolant par une procedure di notificazion corete.

In considerazion dal particolâr cuadri epidemiologjic nazionâl, al è improibît fâ macelâ suins di tierçs intai stabiliments comerciâi (arlevaments di ingràs).

I sotprodots de macelazion (scarts) a varan di jessi smaltîts di une dite autorizade che l’utent al varà di contatâ trê dîs prime de macelazion. I scarts di macelazion a àn di jessi metûts intun contignidôr impermeabil che al vedi un tapon, se pussibil, a tignude ermetiche, o intun contignidôr, simpri impermeabil, conservât intun locâl sierât, che al impedissi l'acès ai animâi. Cheste procedure no varà coscj pal operadôr.

Ditis autorizadis al ritîr dai sotprodots (si puedin contatâ dal lunis al vinars):

• IDONEA SRL, Cjampfuarmit (UD): 3492274705
• GE. ECOLOGICA, Cordenons (PN): 043443623 o 3477934365
• TRIVENETAGRASSI SRL, Puart (VE): 0421476033 o 338/5606562.

Si ricuarde che ancje par cheste campagne di macelazion al è previodût il prelêf a campion pal control des infestazions di Trichinella e di vigjilance pe malatie di Aujeszky.

Chi sot la modulistiche di discjamâ: