Distret sociosanitari dal Friûl di Mieç: gnûf Miedi di Medisine Gjenerâl dot. Masala
dai 19 di Lui dal 2026
La Direzion dal Distret dal Friûl di Mieç e informe che dai 19 di Lui dal 2026 al cjape servizi un gnûf Miedi di Medisine Gjenerâl, il dot. Mario MASALA: l'Ambulatori a sarà a Codroip, te "Cjase de Comunitât" HUB - Prin Plan (ex RSA) - Stanzie n. 9 - dal edifici che al ospite il Distret Sociosanitari in Viâl Duodo n. 82.
Il dot. Masala al ricêf daûr APONTAMENT al n. 342/8070963
e mail mariomasala.codroipo@gmail.com cun chescj oraris
|
|
Buinore |
Dopomisdì |
|
Lunis |
10.00 – 13.00 |
15.00 – 18.00 |
|
Martars |
10.00 – 13.00 |
|
|
Miercus |
10.00 – 13.00 |
|
|
Joibe |
10.00 – 13.00 |
|
|
Vinars |
10.00 – 13.00 |
15.00 – 18.00 |
Si podarà sielzi il gnûf Miedi di Medisine Gjenerâl in chescj mûts:
➢ midiant dal portâl SESAMO, https://sesamo.sanita.fvg.it/sesamo/#/index,
jentrant cul Sisteme Public di Identitât Digjitâl (SPID), o cu la Cjarte di identitât eletroniche (CIE) o cu la Cjarte regjonâl/nazionâl dai servizis (CRS o CNS)
➢ fasint domande di assegnazion cuntune e-mail di mandâ a une tra chestis direzions:
anagrafe.sanitaria1.dist.codr@asufc.sanita.fvg.it
cambiomedicocodroipo@asufc.sanita.fvg.it
declarant la proprie preference di miedi, zontant la tessare sanitarie di cjarte e un document di identitât valit. Si precise che lis domandis rivadis par pueste eletroniche a saran esaminadis in ordin cronologjic di rivade, dentri di 4/5 dîs di vore, in maniere compatibile cu la viertidure dai sportei al public. Dome la sielte fate in maniere direte tal sportel o midiant di SESAMO e garantìs la assegnazion imediade dal miedi.
➢ midiant dal acès - cu la tessare sanitarie di cjarte e cuntun document di identitât valit - al Sportel de Anagrafe Sanitarie li de "Cjase de Comunitât" hub di Codroip-Prin Plan (ex RSA) dal edifici che al ospite il Distret Sociosanitari in Viâl Duodo n. 82, tai oraris e daûr des modalitâts di acès solitis.
Si racomande une vore di contatâ par telefon la Anagrafe Sanitarie al n. 0432/1910165 di lunis a vinars des 9.00 aes 12.30 par cualsisei sclariment e par fissâ un apontament par no spietâ dibant tai Sportei.