L'Italrugby al visite la Pediatrie di Udin
Une visite preseade dai piçui pazients
I fruts ricoverâts te Cliniche Pediatriche dal Ospedâl Sante Marie de Misericordie di Udin a son stâts une vore contents di fâ bon acet a un grup di atletis che a fasin part de Nazionâl Taliane di Rugby, a Udin par zuiâ la partide cuintri de Australie sabide ai 8 di Novembar.
La professore Paola Cogo, diretore de Struture, e à compagnât i gradîts ospits tal repart di Oncoematologjie pediatriche par saludâ i piçui pazients, cu la presince ancje dal President Muraro de Associazion furlane oncologjie pediatriche LUCA, de dot.e Pilotto e dal pal personâl medic e infermieristic.
Fotos di rît, musis ridintis e scambi di opinions cui pazients e cui atletis presints - Ross Vintcent, Giacomo Da Re, Edoardo Todaro e Damiano Mazza - che a àn regalât une maie firmade di dute la scuadre.
Un graciis di cûr ae Italrugby par cheste visite!