L’Hub Ente Fiera di Martignà al vierç cualchi zornade pal recupar des vacinis ordenariis
joibe 19 di Zenâr dal 2023
Intai mês di Zenâr, Fevrâr, Març pes vacinis specifichis
Par rispuindi in maniere proative aes dibisugnis dai citadins, il Dipartiment di Prevenzion de ASUFC al è daûr a organizâ intai mês di Zenâr, Fevrâr e Març dal 2023 une schirie di apontaments par fâ la vacine intai spazis dal Hub vacinâl Ente Fiera di Martignà.
A vignaran garantidis chestis prestazions:
- Vacine anti TBE (encefalite di cecje): adults e fruts cun plui di 5 agns: primis-secondis-tiercis-cuartis dosis e riclams
- Vacine anti DTPAA (Tetan, Difterite e Tos paiane): par personis dai 18 agns in sù dome riclams decenâi
La ufierte e je risiervade ai residents intal teritori de ASUFC.
Si pues acedi cjapant un apontament par telefon, contatant il Call Center Unic pe Salût e Sociâl al numar 0434 223522.
Par vê plui informazions e eventuâi aprofondiments si à di indreçâsi al Servizi Vacinis di competence teritoriâl.