Vuardie mediche turistiche a Tarvis: servizi in vore dai 6 di Dicembar ai 7 di Març
Il distret sociosanitari dal Glemonàs/Cjanâl dal Fier /Valcjanâl al vise che al è in vore il servizi di assistence sanitarie pe popolazion turistiche di Tarvis dai 6 di Dicembar dal 2025 ai 7 di Març dal 2026.
Il servizi al è atîf ogni dì des 9.00 aes 13.00 e des 14.00 aes 18.00 tal Poliambulatori di Tarvis – vie Ludmilla Tarman, 9 – telefon 0432989813 – Telefonut 3383779129
La ativitât ambulatoriâl (e lis eventuâls visitis a domicili) pe assistence sanitarie turistiche e sarà ativade tai ambulatoris dal miedi di continuitât assistenziâl (vuardie mediche).
Cu la Deliberazion de Zonte Regjonâl n. 1381/2025 dai 10/10/2025, daûr dal AIR pe metude in vore dal acuardi coletîf nazionâl pal trieni 2019-2021, deventât esecutîf ai 04/04/2024, (art. 15 "Assistence ai turiscj e visitis ocasionâls"), la Regjon e à fissât chestis tarifis pe ativitât di assistence sanitarie turistiche:
- 30,00 € pe prestazion ambulatoriâl
- 50,00 € pe visite a domicili
- 20,00 € par chês altris prestazions
Pes emergjencis si à di clamâ il 112.
Il servizi di continuitât assistenziâl al continuarà a jessi garantît tal Poliambulatori di Tarvis ogni dì des 20.00 aes 8.00, e des 10.00 de zornade prefestive aes 8.00 di chê dopo de festive.