Vuardie mediche turistiche di Tarvis: servizi atîf dai 14 di Jugn ai 17 di Setembar
joibe 15 di Jugn dal 2023
Il distret Glemonàs, Valcjanâl, Cjanâl dal Fier al informe che al è atîf il servizi di assistence sanitarie pe popolazion turistiche di Tarvis dai 14 di Jugn ai 17 di Setembar.
Il servizi al è atîf ogni dì des 10.00 aes 13.30 e des 14.00 aes 18.30 li dal Poliambulatori di Tarvis - vie Ludmilla Tarman, 9 – telefon 0432989813 - Celulâr 3383779129
La ativitât ambulatoriâl (e visitis domiciliârs eventuâls) pe assistence sanitarie turistiche e sarà ativade tai ambulatoris dal miedi di continuitât assistenziâl (vuardie mediche).
Pe ativitât di assistence sanitarie turistiche a son stadis fissadis de Regjon, cun Deliberazion di Zonte Regjonâl n. 491/2005, chestis tarifis:
- 18,00€ pe prestazion ambulatoriâl
- 30,00€ pe visite domiciliâr
- 10,00€ pai ats medics ripetitîfs (rinovament de ricete mediche e prestazions ambulatoriâls ciclichis: visitis medichis di control, terapiis inietivis, cicli di medicazions, misurazion de pression).
Tal câs di situazions cun caratar di urgjence si à di clamâ il 112.
Il servizi di continuitât assistenziâl al larà dilunc tal Poliambulatori di Tarvis ogni dì des 20.00 aes 8.00 e des 10.00 de zornade prefestive aes 8.00 di chê dopo dal dì di fieste.