Ai 4 di Març: zornade mondiâl cuintri dal HPV – Papilloma Virus
Dai 2 ai 6 di Març acès libar ai servizis vacinâi dal dipartiment di prevenzion par ricevi la vacinazion
In ocasion dal International HPV Awareness Day (Zornade Internazionâl pe Cussience dal HPV), che si ten ai 4 di Març, il Dipartiment di Prevenzion al promôf une setemane di ingrès libar ae vacinazion anti-HPV, cul obietîf di sensibilizâ la popolazion su la impuartance de prevenzion.
La infezion di Papilome Virus Uman (HPV) e je une vore comune e e pues jessi responsabile di svariadis patologjiis, cjapant dentri ancje lesions precancerosis e tumôrs. La vacinazion e je un imprest sigûr e zovevul par prevignî lis malatiis leadis al HPV e e je racomandade sedi pes zovinis che pai zovins daûr des indicazions dal Plan Nazionâl di Prevenzion Vacinâl.
Vie pe setemane dedicade si pues ricevi la vacinazion anti-HPV cun ingrès libar, cence prenotazion, in dutis lis sedis vacinâls dal ASUFC, durant i oraris normâi.
La iniziative e à l'obietîf di rinfuarçâ la culture de prevenzion e di favorî une adesion cussiente ae vacinazion, protezint la salût individuâl e chê coletive.
Par savê i dîs e i oraris inzornâts des sedis vacinâls, si pues visitâ la pagjine uficiâl dal Servizi Vacinazions ASUFC che si cjate a chest leam: Servizi Vacinazions.
Vacinazion sore nuie
La vacinazion anti-HPV e je ufierte sore nuie a ducj i residents in regjon che no àn ancjemò finît 27 agns.
In plui, vie pal an i zovins e lis zovinis dal 2014 a ricevaran a cjase lôr une letare di invît cu la indicazion dal apontament za fissât par ricevi la vacinazion.
Protezi la proprie salût e je une azion di responsabilitât viers di se stes e de comunitât.
Par plui informazions sul HPV e su la prevenzion, e je a disposizion ancje la campagne informative "Proteggi te stesso" (Proteziti) dal Istitût Superiôr di Sanitât.