Ai 4 di Març: zornade internazionâl cuintri dal HPV – Papilloma Virus
joibe 6 di Març dal 2025
Vacine gratuite dai 11 ai 26 agns finîts pes zovinis e pai zovins: dai 3 ai 6 di Març acès libar in diviersis sedis de ASUFC
Pe Zornade Internazionâl cuintri dal Papilloma virus dai 4 di Març, il Dipartiment di Prevenzion al rinove il so impegn inte lote cuintri dal HPV.
Dai 3 ai 6 di Març si pues vacinâsi cun acès libar in chescj ambulatoris vacinâi:
- Codroip ai 3 e ai 5 di Març des 16:00 aes 18:00
- Udin dai 3 ai 6 di Març des 16:00 aes 18:00
- San Denêl ai 4 e ai 6 di Març des 15:30 aes 17:30
- Tisane dai 4 ai 6 di Març des 15:30 aes 17:30
Par vê plui informazions su lis sedis par vacinâsi si pues consultâ la pagjine dedicade dal Servizi des Vacinis.
La infezion dal Papillomavirus
La infezion dal Papillomavirus e je la infezion plui comune che si trasmet par vie sessuâl: e je calcolade tant che une des causis principâls dai tumôrs dal cuel dal utar de femine; in plui, si associe a diviers gjenars di tumôrs dal om, par esempli al tumôr dal penis, e ai tumôrs dal anus e dal ingjâf orâl di oms e feminis.
La vacine e je la strategjie plui eficace di prevenzion primarie cuintri de plui part dai tumôrs che a son peâts ae infezion dal HPV.
La vacine anti-HPV che e je disponibile in dì di vuê e difint dai 9 çocs principâi di papilloma virus che a causin tumôrs, responsabii de plui part di chei che o vin a pene nomenât.