1n di Dicembar – Zornade mondiâl pe lote cuintri de AIDS
miercus 29 di Novembar dal 2023
Viertidure straordenarie dai ambulatoris dal Dipartiment di prevenzion, dulà che in maniere gratuite e cence apontament si fasaran i prelêfs pal esam dal HIV
Il 1n di Dicembar al è la Zornade Mondiâl pe lote cuintri de AIDS, une ricorence istituide tal 1988 cun chê di sensibilizâ e informâ la popolazion su lis tematichis peadis al virus dal HIV e de AIDS.
Fondamentâl no je dome la cure, ma ancje la prevenzion; al è duncje impuartant slargjâ la cognossince sul virus e su lis modalitâts di trasmission dal HIV.
Al va marcât che la realizazion precoce dal esam, par ricognossi la sieropositivitât ae infezion, e permet di inviâ daurman il percors terapeutic e limitâ la difusion de malatie.
Ancje chest an la Aziende Sanitarie Universitarie Friûl Centrâl e partecipe a cheste iniziative, ufrint il test di screening des Malatiis Trasmissibilis a nivel Sessuâl li dal ambulatori dal Dipartiment di Prevenzion di Udin, in vie Chiusaforte, 2 tal plan tiere, ale A stanziis 2 e 3, in chestis zornadis:
- Ai 30 di Novembar e il 1n di Dicembar dal 2023 des 8.30 aes 17.00
- Ai 2 di Dicembar des 8.30 aes 13.30
- Ai 4 di Dicembar des 8.30 aes 17.00
L’acès al è libar (cence apontament) e l’esam al è anonim e gratuit.