Distret sociosanitari Glemonàs/Cjanâl dal Fier-Valcjanâl: comunicazion pai assistûts dal dot. Rossi
La Direzion dal Distret sociosanitari Glemonàs\Cjanâl dal Fier-Vâlcjanâl e informe che cui 21 di Setembar il dot. Michele Rossi, miedi di assistence primarie, al dismetarà la ativitât di miedi convenzionât tal ambit teritoriâl che al cjape dentri ancje il Comun di Osôf.
Al moment, cundut dai sfuarçs de Aziende Sanitarie, no si à rivât adore a cjatâ un gnûf miedi di assistence primarie disponibil a acetâ cheste incarghe.
Par chest motîf, in relazion a ce che al è stât dit sore, si informe che in plui de pussibilitât di sielzi un altri miedi disponibil, cui 21 di Setembar dal 2026 il Distret Sociosanitari al ativarà un "Ambulatori Distretuâl" in Vie Rosselli n.8 a Osôf, risiervât a ducj i assistûts che no àn un miedi di medisine gjenerâl. L'ambulatori dal Distret al sarà atîf fin cuant che nol rivarà un gnûf miedi convenzionât.
L'ambulatori dal Distret al funzionarà daûr di chest orari:
- lunis des 9.00 aes 13.00
- miercus des 15.00 aes 19.00
Par prenotâ un apontament si pues contatâ la segretarie al numar 3669273494, dal lunis al vinars des 8.30 aes 12.30.
Si podaran domandâ ricetis e/o impegnativis scrivint ae direzion di pueste eletroniche segreteria.ambulatoriodistrettogemona@asufc.sanita.fvg.it.
Par cualsisedi sclariment si puedin contatâ i uficis de Anagrafe Sanitarie al numar 0432989351 des 8:30 aes 12:00, dal lunis al vinars.