Molâ di fumâ: nol è mai masse tart
lunis 26 di Fevrâr dal 2024
Viertis lis iscrizions par un cors gnûf tal Centri di Prevenzion e Tratament dal Tabagjisim.
Il fum dal spagnolet al è tra i fatôrs di pericul principâi tal mont pal svilup de plui part des malatiis cronichis no trasmissibilis: si calcole che in Italie almancul 1 persone su 4 e fumi in maniere abituâl. Al è ben ricuardâsi che lis oris plui dificilis a son lis primis 24 dopo dal ultin spagnolet e che la astinence massime si le à tai prins 4 dîs.
Il centri di Prevenzion e Tratament dal Tabagjisim di Udin al inmanee percors par molâ di fumâ: si varà il supuart e il jutori che al covente par molâ cun facilitât la abitudin di fumâ e soredut par mantignî la astinence tal timp.
Il cors “molâ di fumâ” si davuelzarà in 10 incuintris serâi, des 19.30 aes 21.30, dividûts su trê setemanis, te sede dal Dipartiment des Dipendencis in vie Puçui, 330 a Udin.
In curt e tacarà la prossime edizion di Març: par frecuentâ il cors, che al à un numar limitât di partecipants, si à di paiâ un ticket di 36 euros.
Par iscrizions e informazions si pues clamâ chescj numars: 0432806635 o pûr 0432806649 des 9.00 aes 17.00 di lunis a vinars.