Talk "Fate il Nostro Gioco" lunis ai 19 di Zenâr al Teatri Palamostre di Udin

Inte suaze des ativitâts dal progjet di prevenzion des dipendencis Sa.Pr.Emo. (Salût Protagoniscj Emozions - edizion 2025/2026) - metût adun dai Servizis pes Dipendencis di ASUFC in colaborazion cu la Cuesture di Udin, la Prefeture di Udin, il Comun di Udin, la Consulte Provinciâl dai Students, la Universitât dal Friûl, Confindustria Udin e Danieli Spa - si propon une iniziative indreçade aes fameis e a ducj i citadins, sul teme de prevenzion e sensibilizazion al Zûc di Azart.

Il talk "Fate il Nostro Gioco" (Fasêt il Nestri Zûc), al è produsût di Taxi1729, une realtât torinese ricognossude a nivel nazionâl pe sô ecelence te divulgazion sientifiche e pe eficacie dai siei intervents educatîfs sui temis dal zûc di azart: al è un format consolidât e une vore cualificât, atîf dal 2009, disvilupât partint di studis origjinâi di matematiche e di psicologjie aplicâts al zûc di azart. Midiant di une metodiche sientifiche rigorose e di un lengaç acessibil, l'incuintri al puarte i spetatôrs a capî:

• lis veris probabilitâts di vincite dai zûcs di azart principâi;
• i bias cognitîfs e i mecanisims psicologjics che a sburtin a pierdi il control;
• lis crodincis falsis plui pandudis, che a saran "smontadis" midiant di simulazions, di esemplis concrets e cu la interazion direte cul public

Detais dal event 

Date: ai 19 di Zenâr dal 2026
Ore: 20.30
Lûc: Teatri Palamostre – plaçâl Pauli Diacun 21, Udin

Ingrès libar fin che a son puescj disponibii.
La prenotazion e je obligatorie midiant dal leam Eventbrite (o dal QR code stampât su la locandine): https://shorturl.at/s8wTS