Il Fassicul Sanitari Eletronic 2.0: presentazion des sôs potenzialitâts e focus su la gjestion corete dai dâts
miercus 3 di Avrîl dal 2024
Udin, ai 15 di Avrîl dal 2024, tal auditorium Antonio Comelli, Palaç de Regjon
A Udin, ai 15 di Avrîl dal 2024, a partî des 9 a buinore, tal auditorium Antonio Comelli tal palaç de Regjon, in vie Sabbadini 31, si fasarà la 3e cunvigne sul teme dal fassicul Sanitari Eletronic 2.0, promovude e inmaneade de Direzion Centrâl Salût de Regjon Autonome Friûl-Vignesie Julie.
Vie pe cunvigne si fevelarà di gjestion corete dai dâts e cemût doprâju pal miôr, ancje cun chê di cjapâ dentri di plui il pazient; privacy e cybersecurity dal FSE 2.0: savê dut ce che si scuen, cjapâ lis decision justis, vê a clâr ce che si à di fâ.
Partecipant ae cunvigne si cognossaran lis novitâts e la potenzialitât dal FSE 2.0 che tal avignî al deventarà simpri plui impuartant intal rapuart tra i citadins e la salût.
Chest tierç incuintri si zonte tai procès di trasformazions previodûts dal Plan Nazionâl di Riprese e Resilience (PNRR) e al à il fin di fâ cognossi lis potenzialitâts dal Fassicul Sanitari Eletronic 2.0.
Si podarà partecipâ ae cunvigne ancje vie steaming midiant dal link di FVG.TV (http://www.fvg.tv/WebTV/evento.jsp)