Elezions comunâls di domenie ai 24 e lunis ai 25 di Mai

Emission dal certificât medic par:

· sogjets cun impediment fisic par esercitâ il vôt cul jutori di un altri eletôr

· esercizi di vôt intune struture cence barieris architetonichis par sogjets che no cjaminin in maniere autonome

· esercizi dal vôt domiciliâr par sogjets che par vivi a dipendin in maniere continuade di aparâts eletromedicâi e/o che no si puedin traspuartâ parcè che a àn malatiis une vore gravis, tant che al è impussibil slontanâsi de cjase dulà che a son a stâ

Par vê lis certificazions nomenadis parsore si pues indreçâsi ai Uficis Sanitaris des sedis distretuâls di Cividât, Codroip e Tumieç tai oraris des prestazions ambulatoriâls pal public o cun prenotazion midiant dal CUP aziendâl.

Par facilitâ chei che par motîfs grâfs no vessin podût otignî il document nomenât prime des zornadis des elezions, i interessâts a podaran contatâ:

· dal lunis al vinars, des 8:30 aes 12:30, i numars:

o Dipartiment di Prevenzion sede di Udin 0432 806050

o Dipartiment di Prevenzion sede di Glemone 0432 989516

par concuardâ un apontament ambulatoriâl cul miedi te sede distretuâl di riferiment.

In câs di necessitât, sabide ai 23 e domenie ai 24 di Mai, des 8:00 aes 13:00 si pues domandâ dal miedi di turni pe reperibilitât necroscopiche par concuardâ un apontament doprant chescj recapits:

· pe Aree di Udin: Centralin di Udin 0432 5521

· pe Aree ex Friûl de Alte-Culinâr-Friûl di Mieç: centralin di Tumieç 0433 4881

Si precise che, tal câs, la visite si fasarà a domicili, e e vignarà concuardade cul miedi dome tal câs che a sedin lis cundizions pe domande di vôt domiciliâr