Elezions pe Aministrazion regjonâl e comunâl ai 2 e 3 di Avrîl e balotazion eventuâl ai 16 e 17 di Avrîl

Il certificât dal miedi si lu emet par:

• personis che a àn un impediment fisic pai fins dal esercizi di vôt cul jutori di un altri eletôr
• esercizi di vôt intune struture cence barieris architetonichis par personis che no cjaminin
• esercizi dal vôt domiciliâr par personis che a dipendin in maniere continuative e vitâl di aparecjaduris eletromedichis e/o che no si puedin movi par vie di malatiis tant gravis di no podê slontanâsi de lôr abitazion

Par vê chescj certificâts si à di indreçâsi ai Uficis Sanitaris des sedis distretuâls di Tisane, Tarcint, Cividât, Sant Denêl, Codroip, Tumieç e Glemone tal orari solit des prestazions ambulatoriâls pal public, o cun prenotazion midiant dal CUP aziendâl.

Par lâ incuintri a chei che, par motîfs grâfs, no vessin podût otignî il certificât in cuistion in anticip a pet des zornadis des elezions, lis personis interessadis a podaran contatâ:

• intes zornadis di lunis a vinars des 8:30 aes 12:30 chescj numars:

• • Dipartiment di Prevenzion sede di Palme 0432 921838
  • Dipartiment di Prevenzion sede di Udin 0432 806050
  • Dipartiment di Prevenzion sede di Glemone 0432 989516

par concuardâ un apontament ambulatoriâl cul Miedi inte sede distretuâl di riferiment.

In câs di dibisugne, sabide 1ⁿ e domenie ai 2 di Avrîl dal 2023, e in câs sabide ai 15 e domenie ai 16 di Avrîl dal 2023, des 8:00 aes 13:00 domandant dal Miedi di turni pe reperibilitât necroscopiche, par concuardâ un apontament:

• pe Aree ex Friûl de Basse: Centralin di Palme 0432 921111
• pe Aree di Udin: Centralin di Udin 112
• pe Aree ex Friûl de Alte - Culinâr - di Mieç: Centralin di Tumieç 0433 4881

Si precise che la visite e sarà fate in câs a domicili, dopo dal acuardi cul Miedi, dome se a son lis cundizions pe domande di vôt domiciliâr.