Distret sociosanitari dal Friûl di Mieç (Codroip): cessazion pediatre di libare sielte dot.e Sanna
martars 27 di Mai dal 2025
Dai 3 di Jugn
La Direzion dal Distret sociosanitari dal Friûl di Mieç (Codroip) e informe che la dot.e Sanna Giovanna, cuntune incarghe provisorie, e fermarà la sô ativitât di pediatre di libare sielte convenzionade cu la ASUFC cui 3 di Jugn dal 2025 (ultime dì di vore ai 2 di Jugn 2025).
Stant che nol è pussibil assegnâ di ufici un gnûf pediatre, par vie che la normative in materie e previôt la libertât di sielte dal citadin, si invidin i gjenitôrs dai minôrs in etât pediatriche za assegnâts ae dot.e Sanna Giovanna a sielzi tra i pediatris di libare sielte che a lavorin tal ambit teritoriâl dal Distret dal Friûl di Mieç (Comuns: Basilian, Bertiûl, Cjamin dal Tiliment, Cjasteons di Strade, Codroip, Listize, Merêt di Tombe, Mortean, Sedean, Talmassons, Vildivâr), che a àn puescj disponibii, comprendude ancje la dot.e Contardo Marzia che e scomençarà il servizi cui 3 di Jugn dal 2025 cun ambulatori a Codroip (vie F. Ostermann, 12), che no podarà jessi sielte prime dai 3 di Jugn dal 2025.
La sielte si podarà fâle cu lis modalitâts solitis: · jentrant sul Puartâl SESAMO midiant dal Sisteme Public di Identitât Digjitâl (SPID), Cjarte di Identitât eletroniche (CIE) o Cjarte regjonâl/nazionâl dai servizis (CRS o CNS)
· midiant acès libar e diret ai Sportei de Anagrafe Sanitarie di Codroip (viâl Duodo, 82) vierts al public, in vie ecezionâl, inte setemane dai 3 ai 6 di Jugn dal 2025:
o Martars ai 3 di Jugn des 9.00 aes 13.00
o Miercus ai 4 di Jugn des 9.00 aes 13.00
o Joibe ai 5 di Jugn des 9.00 aes 13.00
o Vinars ai 6 di Jugn des 9.00 aes 13.00
· par pueste eletroniche aes direzions: o anagrafe.sanitaria1.dist.codr@asufc.sanita.fvg.it o cambiomedicocodroipo@asufc.sanita.fvg.it
La Anagrafe Sanitarie e reste a disposizion par ogni informazion al numar 04321910165 tes zornadis di martars, joibe e vinars des 9.00 aes 11.00.