Distret sociosanitari dal Friûl Centrâl: avîs pai utents assistûts dal dotôr Fabrizio Gangi

Il Distret sociosanitari dal Friûl Centrâl al vise che di lunis ai 31 di Març i pazients dal dotôr Fabrizio Gangi a saran assegnâts in mût automatic ae dotore Elena Rizzo.

In cualsisedi moment, i utents a podaran cambiâ la sielte dal miedi cul rûl unic di assistence primarie par un altri miedi, daûr dai puescj libars che ognidun di lôr al à.

La dotore Rizzo e fasarà la ativitât professionâl tal ambulatori di Pasian di Prât in vie Beorcje n. 16, in plui e ricevarà daûr apontament ta chescj oraris:

• il lunis, il miercus e il vinars des 8.30 aes 13.00.
• il martars des 15.00 aes 18.00
• la joibe des 13:00 aes 16.00

Contat telefonic 0432 690590.

Si pues sielzi la dotore Rizzo tacant dai 31 di Març, o pûr si pues cambiâ miedi simpri cu lis solitis modalitâts:

• midiant dal portâl SESAMO in autonomie pai residents dal comun di Pasian di Prât
• cun acès diret li dai sportei de Anagrafe Sanitarie di Udin e di Felet, cu la tessare sanitarie, in chescj oraris:
  • Anagrafe Sanitarie tal Distret di Udin (vie Sant Valentin): dal lunis al vinars des 8:00 aes 16.45
  • Anagrafe Sanitarie tal CAP di Felet (Tavagnà): il martars e la joibe des 9:30 aes 12:30