Distret Riviere Basse Furlane (Tisane): cessazion miedi di medisine gjenerâl dot. Di Chiara
martars 14 di Novembar dal 2023
Dal 1n di Dicembar dal 2023
La Direzion dal Distret sociosanitari Riviere Basse Furlane e comuniche che dal 1n di Dicembar dal 2023 il miedi di medisine gjenerâl dot. Pier Mario Di Chiara al cessarà la ativitât (ultin dì di servizi ai 30 di Novembar dal 2023) e duncje il studi medic di Palaçûl al vignarà sierât.
I assistûts dal dot. Di Chiara a varan di indreçâsi al ufici anagrafe sanitarie par sielzi il gnûf miedi di medisine gjenerâl dal ambit di Muçane, Palaçûl, Prissinins o di un ambit dongje, daûr de disponibilitât di puescj di ogni miedi.
Ai assistûts dal dot. Di Chiara ur rivarà par pueste ordenarie la comunicazion dulà che si sclarissin lis modalitâts par fâ la gnove sielte, li dal:
- Sportel Anagrafe Sanitarie sede di Tisane:
uff-amm-latisana@asufc.sanita.fvg.it - 0431 529402 (jentrade libare dal lunis al vinars des 9:00 aes 12:30; la joibe ancje des 14:00 aes 16:00)
- Sportel Anagrafe Sanitarie sede di San Zorç di Noiâr:
amm-dso-sangiorgio@asufc.sanita.fvg.it - 0431 624815 (jentrade libare il martars e la joibe des 9:00 aes 12:30)
I uficis distretuâi a restin a disposizion par informazions e sclariments.
La Direzion si scuse pal disservizi.