Donazion pe RSA di San Denêl
miercus 19 di Avrîl dal 2023
La Associazion “Due Pistoni” e à consegnât televisôrs e carocinis
Vinars ai 14 di Avrîl si è tignude une cerimonie curte te RSA dal Distret di San Denêl pe donazion fate ae struture culinâr de bande de Associazion “Due Pistoni”.
Lis donazions di bens a rivuardin in particolâr 5 televisôrs par chês stanziis che cumò a son cence, par indalegrâ e slizerî la degjence dai pazients che a son li par completâ i intervents di riabilitazion e di convalessence.
Cun di plui, la associazion e à regalât 4 carocinis pai degjents cun problemis di deambulazion: in cheste maniere e cres e e miore la dotazion di chescj jutoris, che a son utii ancje par cambiâ chei vecjos, o chei che tal timp si son fruiâts.
La cerimonie di consegne si è tignude tal salon de RSA, tal 2t plan dal edifici che al ospite ancje la cjase di polse, in presince dai rapresentants de Associazion di volontariât “Due Pistoni", che a son stâts ringraciâts de Direzion dal Distret e dal personâl medic, infermieristic, riabilitatîf e di assistence de RSA di San Denêl.
La Associazion “Due Pistoni”, cun cheste gnove donazion e in continuitât cul passât, e esprim la sô atenzion e sensibilitât pai temis e pes problematichis de riabilitazion e de convalessence in regjim di ricovar te RSA, dopo de fase acude e de dimission ospedaliere.
