Donazion pe RSA di San Denêl: une belance eletroniche e orlois di mûr de Associazion “Due Pistoni”

Vinars ai 2 di Dicembar si è davuelte une piçule cerimonie te RSA di San Denêl par ringraciâ la Associazion “Due Pistoni” di San Denêl pe donazion di une belance eletroniche a poltrone (valôr cirche 1.500 euros) e di 14 orlois di mûr (valôr cirche 224 euros) a pro des personis in cure te RSA dal Distret di San Denêl.

I struments regalâts a son une vore impuartants: di fat, la belance e je un supuart fondamentâl par controlâ il pês di chei pazients che no rivin a cjaminâ; i 14 orlois, che si metaran tes cjamaris di degjence, a permetaran ai ospits di orientâsi miôr tal timp.

Ae cerimonie a àn partecipât  i referents de Associazion, la Direzion dal Distret di San Denêl, la Direzion Sociosanitarie de ASUFC, la Aministrazion comunâl di San Denêl, i miedis che a àn lavorât e che a lavorin inte RSA, e il coordenadôr infermieristic de RSA.

La dotore Mattiussi, Diretore dal Distret di San Denêl, che si riferìs ancje la RSA, e à dit: “A non di dut il personâl o ringracii la Associazion pe donazion: esemplis come chescj a dimostrin ancjemò une volte la vicinance de realtât teritoriâl e dal associazionisim ai pazients e ai citadins par permeti ai ospits une cualitât di vite miôr”.