Donazion dai premis vinçûts dai grups di lavôr de Emergjence Urgjence

Vinars ai 3 di Fevrâr a Udin li de Casa di Joy une rapresentance dai professioniscj regjonâi de Emergjence Urgjence che e à partecipât ai grups di lavôr regjonâi sui arescj cardiacs e sul traume, e à consegnât i assegns di 500 euros ognidun che a vegnin di premis nazionâi vûts, a trê associazions de nestre regjon: La Casa di Joy (Udin), #IoTifoSveva (Triest) e La Petit Port (Pordenon). Chestis trê associazions a dan acet e a judin fruts e fantats oncologjics dilunc dal lôr percors di curis, e ur sigurin moments di zûc, di agregazion, ma ancje di supuart aes fameis inte fase de riabilitazion.

Al è stât un moment comovent e intens di scambi di ideis e di progjets pai rapresentants des associazions e di emozion fuarte pai rapresentants dai grups di lavôr dai professioniscj sanitaris intal podê viodi cemût che il contribût donât al podarà judâ chescj piçui grancj erois.

Font ASUGI