Donazion pal Centri Diurni Adolessents de Neuropsichiatrie di Udin de bande de Associazion ABIO

In gracie de donazion gjenerose dal grup ABIO, li dal Centri Diurni Adolessents de Neuropsichiatrie di Udin e je stade metude sù la gnove Sale Relax: il spazi, pensât pai fantats dai 12 ai 18 agns, al è stât progjetât par favorî la serenitât e par fâju stâ ben.

La stanzie e à colôrs lizêrs, dal pane aes diviersis sfumaduris di celest, coordenâts cui sieraments par creâ un ambient armoniôs: il furniment al cjape dentri trê chaise longue, doi poufs, un tapêt fof e lûs cromatichis integradis tes scansiis di len colorât, par modulâ la atmosfere.

Lis ativitâts te sale a saran acompagnadis di musiche rilassante e meditative, par ufrî ai frutats un spazi ospitâl che al judi la regolazion emotive e la serenitât; la Sale Relax e je un spazi pensât pe cure e pal benstâ, par favorî la regolazion emotive e fâ in mût che i frutats a vedin un puest sigûr dulà cjatâ di gnûf la serenitât.

Il servizi di Neuropsichiatrie al ringracie di cûr la Associazion ABIO pe sô presince costante e pal so contribût preziôs.