Distret sociosanitari Culinâr (San Denêl)

La Direzion dal Distret Sociosanitari "Culinâr" (San Denêl) e informe che cui 12 di Zenâr dal 2026 tal ambit teritoriâl dal Comun di Rivis Darcjan e sarà in servizi une gnove Miedie di Medisine Gjenerâl dal rûl unic di assistence primarie cun incarghe a timp interderminât (massimâl di sielte ecuivalent a 1500 assistûts), la dotore Laura Battellino, e che il so  Studi professionâl a Rivis Darcjan, Vie Nazionâl, 32, al sarà viert ta chestis zornadis e oraris:

I assistûts a puedin contatâ la dotore Laura Battellino al numar di telefonut 352/0796030.

Cemût sielzi un gnûf miedi

• in linie, colegantsi al Portâl SESAMO, jentrant midiant dal Sisteme Public di Identitât Digjitâl (SPID), de Cjarte di Identitât eletroniche (CIE) o de Cjarte regjonâl/nazionâl dai servizis (CRS o CNS)

• lant di persone li dal Sportel de Anagrafe Sanitarie di San Denêl, a Palaç Rosa - Viâl Trent e Triest, 33, viert al public di:

Lunis des 08.30 aes 12.30 - acès libar e diret

Martars des 13.30 aes 15.00 - Acès par prenotazion

Miercus des 08.30 aes 12.30 - acès libar e diret

Joibe des 08.30 aes 12.30 - acès libar e diret

• scrivint une email a cheste direzion di pueste eletroniche: cambiomedicodistrettosandaniele@asufc.sanita.fvg.it

fasint domande di assegnazion de dot.e Laura Battellino, compilant il modul aziendâl acompagnât di un document di identitât personâl valit e de tessare sanitarie di cjarte. Si precise che lis domandis rivadis par pueste eletroniche a ricevaran une rispueste in ordin cronologjic daûr di cuant che a son rivadis, tal zîr di 4/5 dîs di vore, se i sportei a son vierts al public.

La Anagrafe Sanitarie e reste a disposizion par ogni informazion e par fissâ i apontaments al numar 0432/949568 in servizi dal lunis al vinars des 10.00 aes 12.00.