Distret di San Denêl: Trasferiment dal Grup Multidissiplinâr Teritoriâl di Cosean
martars 5 di Dicembar dal 2023
A tacâ dai 28 di Novembar dal 2023, il Grup Multidissiplinâr Teritoriâl di Cosean si trasferirà intai locâi de ex pediatrie dal Presidi Ospedalîr di San Denêl, in viâl Trento e Trieste, 33 (la jentrade e je dongje dal ambulatori di Ostetricie e Gjinecologjie).
Cun chest trasferiment si podaran doprâ spazis dal dut ricualificâts, che a garantissaran un miorament de cjapade in caric dai utents de aree de disabilitât (≥ 18 agns) e de etât evolutive (di 0 a 18 agns), cuntune atenzion particolâr ae prevenzion, ae diagnosi, ae cure e ae riabilitazion dai disturps dal svilup dal/de frut/e e dal/de adolessent/e.
La ativitât di Servizi e tornarà a tacâ in maniere regolâr cui 4 di Dicembar dal 2023.