Distret de Riviere Basse Furlane: cessazion miedi di medisine gjenerâl dotore Montanar
miercus 16 di Avost dal 2023
Dai 4 di Setembar dal 2023
Il Distret de Riviere Basse Furlane al informe che dai 4 di Setembar dal 2023 la dotore Valentina Montanar e lassarà la sô ativitât professionâl intal ambit teritoriâl dai Comuns di Porpêt, Cjarlins, San Zorç di Noiâr, Tor di Zuin e Maran, par dimissions volontariis.
Tacant dai 5 di Setembar dal 2023, e tacarà la ativitât professionâl tal stes ambit teritoriâl la dotore Elisa Indri, miedi di medisine gjenerâl cun incarghe a timp indeterminât.
La dotore Elisa Indri e ricevarà tal ambulatori di Tor di Zuin in place dal Popul n. 1 cun chest orari:
- Lunis, miercus e vinars des 10:00 aes 14:00
- Martars e joibe des 14:00 aes 18:00
Telefon: 3517001434
I Assistûts de dotore Montanar a saran assegnâts in automatic ae dotore Indri.
Al è clâr che l'Assistût al podarà sielzi in cualsisei moment un altri miedi di medisine gjenerâl che al operi tal ambit teritoriâl specificât parsore o tal ambit teritoriâl dongje, su la fonde de disponibilitât di puescj di ognidun.