Distret sociosanitari Friûl di Mieç: ativazion ambulatori di assistence primarie
cui 13 di Zenâr 2026 te sede di Codroip
La Direzion dal Distret sociosanitari dal Friûl di Mieç e informe che cui 13 di Zenâr dal 2026 pai assistûts che si cjatin cence Miedi di Assistence Primarie al è in servizi l'ambulatori distretuâl di Assistence Primarie, te sede dal poliambulatori di Codroip, in viâl Venit 33, al prin plan.
Si pues jentrâ tal ambulatori dome daûr apontament clamant il n. 335/7991197 dal lunis al vinars des 9:00 aes 12:00.
ORARIS E SEDIS:
|
MARTARS |
Des 15:30 aes 18:30 |
|
MIERCUS |
Des 15:30 aes 18:30 |
|
JOIBE |
Des 09:00 aes 12:00 |
IMPUARTANT: I pazients che a àn bisugne di RECIPIS PES MEDISINIS par terapiis cronichis (recipis ripetitivis) e di rinovâ i plans terapeutics a àn di mandâ la domande ae direzion di pueste eletroniche dist.codr@asufc.sanita.fvg.it. Il miedi al mandarà lis impegnativis ae direzion di pueste eletroniche di cui che al à fat domande.
Si ricuarde, a cui che si cjate cence miedi di Assistence Primarie, che al è pussibil domandâ fin di subit che a 'nd sedi assegnât un daûr di chestis modalitâts:
- jentrant sul Portâl SESAMO midiant dal Sisteme Public di Identitât Digjitâl (SPID), de Cjarte di Identitât eletroniche (CIE) o de Cjarte regjonâl/nazionâl dai servizis (CRS o CNS)
- lant di persone li dai sportei de Anagrafe Sanitarie te sede di Viâl Venit 33 a Codroip (UD), vierts al public in chestis zornadis e oraris
Lunis 9.00 - 13.00 (jentrade daûr apontament)
Martars 14.00 - 17.00 (jentrade daûr apontament)
Miercus 9.00 - 13.00 (jentrade daûr apontament)
Joibe 9.00 - 11.00 (jentrade daûr apontament)
- Par pueste eletroniche aes direzions
anagrafe.sanitaria1.dist.codr@asufc.sanita.fvg.it
cambiomedicocodroipo@asufc.sanita.fvg.it
La Anagrafe Sanitarie e reste a disposizion par cualsisedi informazion e par fissâ i apontaments al numar di telefon 0432/1910165 dal lunis al vinars, des 9.00 aes 11.00.