Distret Culinâr (San Denêl): cessazion miedi di medisine gjenerâl dotore Manazzone

Dai 21 di Avrîl la dotore Fabiana Manazzone, miedi di medisine gjenerâl, e finirà la sô ativitât di miedi convenzionât dal ambit teritoriâl che al cjape dentri i comuns di Buie, Colorêt di Montalban, Cosean, Dignan, Feagne, Flaiban, Forgjarie, Maian, Murùs, Ruvigne, Rivis Darcjan, San Denêl, San Vît di Feagne e Trep Grant, dal Distret Culinâr di San Denêl.

Stant che il gnûf miedi di assistence primarie nol pues jessi assegnât di ufici, par vie che la normative in materie e previôt la libertât di sielte dal citadin, si invidin i pazients de dotore Manazzone a sielzi un altri miedi tra chei dal ambit teritoriâl dal Distret Culinâr (cun disponibilitât di puescj) che la liste si pues consultâ doprant il link miedis, dulà che a son i oraris e lis sedis dai ambulatoris in detai.

Cemût fâ par sielzi il gnûf miedi di medisine gjenerâl

La sielte dal gnûf miedi si podarà fâ:

• midiant dal Portâl SESAMO, jentrant cul Sisteme Public di Identitât Digjitâl (SPID), cu la Cjarte di identitât eletroniche (CIE) o cu la Cjarte regjonâl/nazionâl dai servizis (CRS o CNS).
• mandant une e-mail ae direzion di pueste eletroniche:

cambiomedicodistrettosandaniele@asufc.sanita.fvg.it

doprant il modul in zonte che al è da pît di cheste pagjine, compilât e firmât, adun cuntun document di identitât valit, e comunicant il miedi che si à sielt. Si ricuarde che cheste opzion e podarà cambiâ tal câs che il miedi sielt nol sedi plui disponibil. Si precise che lis domandis mandadis par e-mail a vignaran lavoradis daûr dal ordin cronologjic che a son rivadis, dentri di 4/5 dîs di vore, tignint cont dai oraris che i sportei a son vierts al public.

Dome la sielte tai Sportei de Anagrafe Sanitarie o midiant di SESAMO e garantìs la assegnazion imediade dal Miedi.

• midiant dal sportel de Anagrafe sanitarie di San Denêl, cun acès libar e diret: si à di puartâ cun se la letare di chest avîs e la tessare sanitarie di cjarte. Par chest motîf, dome dai 22 ai 26 di Avrîl il sportel al sarà viert cun chescj oraris:

               lunis ai 22 di Avrîl            8.30-12.30

               martars ai 23 di Avrîl      8.30-12.30 e 13.30-15.30

               miercus ai 24 di Avrîl      8.30-12.30

               vinars ai 26 di Avrîl          8.30-12.30

                Dai 29 di Avrîl l'ufici de Anagrafe Sanitarie al continuarà a jessi viert tai siei oraris solits.

• spedint par pueste ordenarie il modul che al è zontât da pît di cheste pagjine, compilât e firmât, a cheste direzion: ASUFC - Distretto Collinare - Ufficio Anagrafe Sanitaria, Viale Trento Trieste 33, 33038 San Daniele del Friuli.