Distret Culinâr (San Denêl): cessazion dot. Ciro Mamolo

Dal prin di Zenâr dal 2024 il dotôr Ciro Mamolo al finirà la ativitât di miedi convenzionât tal ambit teritoriâl che al cjape dentri i Comuns di Buie, Colorêt di Montalban, Cosean, Dignan, Feagne, Flaiban, Forgjarie, Maian, Murùs, Ruvigne, Rivis Darcjan, San Denêl, San Vît di Feagne e Trep Grant, che a fasin il Distret Culinâr di San Denêl.

Stant che nol è pussibil assegnâ di ufici il gnûf miedi di assistence primarie - par vie che la normative e previôt la libertât di sielte dal citadin - i citadins a son invidâts a sielzi il gnûf miedi tra chei dal ambit teritoriâl dal Distret Culinâr (cun disponibilitât di puescj), che la lôr liste si pues consultâ tal Sît de aziende ae direzion https://asufc.sanita.fvg.it/it/medici/ li che a son metûts tal detai i oraris e lis sedis dai ambulatoris.

La sielte dal gnûf Miedi di Medisine Gjenerâl e podarà jessi fate daûr di chestis modalitâts:

• midiant dal Portâl SESAMO https://sesamo.sanita.fvg.it/sesamo/#/index, l’acès si lu fâs cul Sisteme Public di Identitât Digjitâl (SPID), Cjarte di identitât eletroniche (CIE) o Cjarte regjonâl/nazionâl dai servizis (CRS o CNS)
• midiant de spedizion dal modul in zonte, jemplât e firmât, a cheste direzion e-mail: cambiomedicodistrettosandaniele@asufc.sanita.fvg.it fasint la proprie preference di miedi tra chei che si podin viodi sul sît aziendâl e zontant un document di identitât valit. Al è stabilît che cheste opzion e podarà vê variazions in câs di indisponibilitât dal miedi indicât. Si precise che lis domandis rivadis par e-mail a saran consideradis daûr dal ordin cronologjic di rivade, dentri di cuatri o cinc dîs lavoratîfs, in maniere compatibile cu la viertidure dai sportei al public; dome la sielte fate li dal sportel o pûr midiant di Sesamo e sigure la atribuzion imediade dal miedi.
• midiant dal acès libar e diret, cu la letare rivade a cjase e de tessare sanitarie di cjarte, li dal sportel de Anagrafe Sanitarie di San Denêl, che in vie ecezionâl dai 2 ai 9 di Zenâr al varà chest orari:

martars ai 2 di Zenâr 8.30-12.30 e 1.30-3.30 dopomisdì

miercus ai 3 di Zenâr 8.30-12.30

joibe ai 4 di Zenâr 8.30-12.30

vinars ai 5 di Zenâr 8.30-12.30

lunis ai 8 di Zenâr 8.30-12.30

martars ai 9 di Zenâr 8.30-12.30 e 1.30-3.30 dopomisdì

Dai 10 di Zenâr l’Ufici de Anagrafe Sanitarie al sarà viert daûr des zornadis e des fassis oraris solitis

• midiant de spedizion vie pueste ordenarie dal modul zontât, jemplât e firmât a cheste direzion: ASUFC – Distret Culinâr – Ufici Anagrafe Sanitarie, viâl Trento Trieste 33, 33038 San Denêl

L’Ufici de Anagrafe Sanitarie dal Distret di San Denêl al restarà viert tes zornadis e tes fassis oraris solitis.

Zontât.