Distret sociosanitari Culinâr - cessazion dot. Ermacora

La Direzion dal Distret sociosanitari Culinâr e informe che il dot. Tiziano Ermacora al fermarà la sô ativitât di miedi convenzionât cui 15 di Avrîl dal 2026 (ultime zornade di lavôr) tal ambit teritoriâl che al cjape dentri i comuns di Buie, Colorêt di Montalban, Cosean, Dignan, Feagne, Flaiban, Forgjarie, Maian, Murùs, Ruvigne, Rivis Darcjan, San Denêl, San Vît di Feagne e Trep, che a fasin part dal Distret Culinâr di San Denêl. 

Stant che no si pues assegnâ di ufici il gnûf miedi di assistence primarie, dal moment che la normative in materie e previôt la libertât di sielte dal citadin, si invidin i pazients a sielzi il lôr gnûf miedi tra chei dal ambit teritoriâl dal Distret Sociosanitari Culinâr, o ben tai Ambits dongje che a vedin puescj a disposizion. 

La sielte dal gnûf Miedi di Medisine Gjenerâl e podarà jessi fate cun chestis modalitâts:

• jentrant sul Portâl SESAMO midiant dal Sisteme Public di Identitât Digjitâl (SPID), de Cjarte di Identitât eletroniche (CIE) o de Cjarte regjonâl/nazionâl dai servizis (CRS o CNS)
• inviant il modul in zonte, jemplât e firmât, a cheste direzion di pueste eletroniche: cambiomedicodistrettosandaniele@asufc.sanita.fvg.itcu la preference pal miedi, zontant la tessare sanitarie e un document di identitât valit. Si intint che cheste opzion e podarà subî modifichis tal câs che il miedi segnât nol ves plui di jessi disponibil

Si precise che lis domandis rivadis par pueste eletroniche a ricevaran une rispueste in ordin cronologjic daûr di cuant che a son rivadis, tal zîr di 4/5 dîs di vore, se i sportei a son vierts al public. Dome la sielte fate di persone al Sportel o midiant di SESAMO e garantìs che il Miedi al sedi assegnât cun imediatece. 

• cul acès - puartant la letare inviade a cjase, la tessare sanitarie, e un document di identitât valit - al Sportel de Anagrafe Sanitarie (Viâl Trento e Trieste, 33 San Denêl), che in vie ecezionâl e dome dai 16 ai 24 di Avrîl (fûr che di sabide e di domenie) al sarà viert daûr di chest orari:
• des 8.30 aes 15.00 acès libar 

Cun lunis ai 27 di Avrîl l'Ufici de Anagrafe Sanitarie al sarà viert tes zornadis e tes fassis orariis solitis.

I operadôrs de Anagrafe Sanitarie a restin a disposizion par ogni informazion dal lunis al vinars des 10.00 aes 12.00 al numar 0432949568.