Distret di Codroip: cessazion dal miedi di medisine gjenerâl, dotôr Micelli
vinars 27 di Zenâr dal 2023
Dal 1n di Fevrâr incaric provisori ae dotore Gomba
Dal 1n di Fevrâr dal 2023 il dotôr Loris Micelli al lassarà la ativitât di miedi convenzionât cu la Aziende Sanitarie Universitarie Friûl di Mieç (ultin dì di vore ai 31 di Zenâr dal 2023) e cu la stesse date e cjaparà servizi, cun incaric provisori, la dotore Benedetta Gomba, cun ambulatori a Merêt di Tombe, in vie della Rimembranza, 4, in chescj dîs e oraris di riceviment, daûr apontament, clamant il numar 3515372304 o mandant une mail ae direzion dottoressa.gomba@gmail.com une ore prime che al scomenci il servizi dal ambulatori:
- Lunis 15.00 – 18.00
- Martars 9.30 – 12.30
- Miercus 9.30 – 12.30
- Joibe 15.00 – 18.00
- Vinars 9.30 – 12.30
Par evitâ discomuts e par garantî la continuitât de assistence, ducj i assistûts in cjame al dotôr Loris Micelli a vignaran assegnâts di ufici al gnûf miedi incargât provisori dotore Benedetta Gomba e a podaran indreçâsi ae dotore cence che a coventin altris azions (cu la stesse tessare sanitarie ancje se e à la iscrizion cul miedi che al à finît il so servizi).
Dut câs se la assegnazion di ufici dal gnûf miedi no fos preseade, i assistûts a podaran sielzi un altri miedi responsabil tra chei di medisine gjenerâl dal ambit teritoriâl che al cjape dentri i Comuns dal Distret “Friûl di Mieç” di Codroip (Basilian, Bertiûl, Cjamin dal Tiliment, Cjasteons di Strade, Codroip, Listize, Merêt di Tombe, Mortean, Sedean, Talmassons, Vildivar), cun disponibilitât di puescj, che la lôr liste si le pues consultâ li dai sportei de anagrafe sanitarie, in chescj oraris di viertidure al public:
CODROIP
- Lunis 9.00-12.30 acès libar
- Martars 9.00 – 12.00 acès daûr apontament e 14.00-17.00 acès libar
- Miercus 10.30 -12.00 acès daûr apontament
- Joibe 9.00 – 12.30 acès libar
- Vinars 10.30 – 12.00 acès daûr apontament
MORTEAN
- Miercus – Vie 25 Aprile, 5 (Centri Teritoriâl -CAP) – 9.00 – 13.00 acès libar
li dai Sportei de Anagrafe Sanitarie (oraris/modalitâts scrits parsore), cu la Tessare sanitarie di cjarte e cu la letare che e je rivade al propri domicili cun chest avîs.
Tal câs di pierdite/robarie/fruie de tessare sanitarie di cjarte si pues declarâlu doprant il “Richiesta tessera sanitaria smarrimento furto usura” che si pues discjamâ tal sît aziendâl a chest link.
La sielte dal gnûf Miedi si podarà fa ancje:
- online, midiant dal Portâl SESAMO (https://sesamo.sanita.fvg.it/sesamo/#/index), jentrant cul Sisteme Public di Identitât Digjitâl (SPID), cu la Cjarte di identitât eletroniche (CIE) o cu la Cjarte regjonâl/nazionâl dai servizis (CRS o CNS). Il Portâl al permet di cambiâ il Miedi responsabil cuntun di chei che a son disponibii, tal moment che si jentre intal Sisteme, intal Ambit li che al è dentri il domicili sanitari di cui che al fâs la richieste;
- mandant une mail di richieste ae direzion cambiomedicocodroipo@asufc.sanita.fvg.it doprant il modul in zonte adun cuntun document di identitât valit e segnant la preference dal miedi tra chei che si puedin viodi tal sît aziendâl. Si ricuarde che cheste opzion e podarà cambiâ tal câs che il miedi sielt nol sedi plui disponibil. Si precise che lis domandis mandadis par email a vignaran cjapadis in considerazion dentri di 4/5 dîs di vore, daûr dal ordin cronologjic che a son rivadis, tignint cont dai oraris di viertidure al public dai sportei. Dome la sielte fate tal Sportel o pûr midiant di SESAMO e garantìs la assegnazion imediade dal miedi.
La Anagrafe Sanitarie e je a disposizion par cualsisedi informazion e par fissâ un apontament, clamant il numar 0432909165 il lunis, martars, joibe des 10.00 aes 12.00, il miercus e il vinars des 9.00 aes 10.30, o mandant une mail aes direzions:
Si precise che, tal câs che si vueli acedi ai sportei, si à simpri di rispietâ chestis indicazions:
- No vê sintoms suspiets par Covid-19 o cualsisedi infezion fuarte (es. influence)
- No jessi in isolament
- Doprâ la mascarute FFP2 in mût coret, cul nâs e la bocje taponâts
- Cuant che si jentre, netâsi lis mans cun gjel o cuntune soluzion idroalcoliche a disposizion
- Rispietâ la igjiene respiratorie: taponâ la bocje e il nâs cuant che si starnude o si tos, doprâ i façolets di cjarte, evitâ il contat cun secrezions respiratoriis