Distret di Codroip: cessazion di doi miedis di medisine gjenerâl

Cui 30 di Jugn dal 2023 (ultime dì di lavôr) la dotore Rizzo Maria Teresa e la dotore Mei Lucia a finiran la ativitât di miedi convenzionât cu la ASUFC.

Stant che il gnûf miedi di assistence primarie nol pues jessi assegnât di ufici, par vie che la normative in materie e previôt la libertât di sielte dal citadin, si invidin i assistûts des dotoris Rizzo e Mei a sielzi un altri miedi curant tra chei di medisine gjenerâl dal ambit teritoriâl che al cjape dentri i Comuns dal Distret “Friûl di Mieç” di Codroip (Basilian, Bertiûl, Cjamin dal Tiliment, Cjasteons di Strade, Codroip, Listize, Merêt di Tombe, Mortean, Sedean, Talmassons, Vildivar), cun disponibilitât di puescj, che la liste si pues consultâ tai Sportei de Anagrafe Sanitarie.

La sielte dal gnûf miedi si podarà fâ:

• intai Sportei de Anagrafe Sanitarie di Codroip e Mortean, che, in vie ecezionâl, dai 3 ai 14 di Lui a saran vierts al public cun chest orari, cun acès libar e diret (nol covente fissâ un apontament):
  
  
  • Codroip (viâl Duodo, 82):
    
    
    • lunis ai 3 e ai 10 di Lui 9.00-12.30
    • martars ai 4 e ai 11 di Lui 14.00-17.00
    • miercus ai 5 e ai 12 di Lui 9.00-13.00
    • joibe ai 6 e ai 13 di Lui 9.00-12.30
    • vinars ai 7 e ai 14 di Lui 10.30-12.00

• • Mortean (vie XXV Aprile, 5)

• • • miercus ai 5 e ai 12 di Lui 9.00-13.00
      
      

Si à di presentâsi li dai Sportei de Anagrafe Sanitarie cu la tessare sanitarie di cjarte e la letare di chest avîs, che e je stade inviade al propri domicili. La pierdite/robarie/fruie de tessare sanitarie di cjarte si podaran declarâ doprant il modul “Richiesta tessera sanitaria smarrimento furto usura” che si pues discjamâ dal link modulistiche distrets.

• online, tal PortâlSESAMO, jentrant cul Sisteme Public di Identitât Digjitâl (SPID), cu la Cjarte di identitât eletroniche (CIE) o cu la Cjarte regjonâl/nazionâl dai servizis (CRS o CNS). Il Portâl al permet di cambiâ il Miedi curant cuntun di chei che a son disponibii tal moment che si jentre tal Sisteme, intal Ambit li che al è dentri il domicili sanitari di cui che al fâs domande
• mandant une e-mail ae direzion di pueste eletroniche cambiomedicocodroipo@asufc.sanita.fvg.it doprant il modul in zonte, adun cuntun document di identitât valit, e comunicant il miedi che si à sielt. Si ricuarde che cheste opzion e podarà cambiâ tal câs che il miedi sielt nol sedi plui disponibil. Si precise che lis domandis mandadis par e-mail a vignaran lavoradis daûr dal ordin cronologjic che a son rivadis, dentri di 4/5 dîs di vore, tignint cont dai oraris che i sportei a son vierts al public.

Dome la sielte tai Sportei de Anagrafe Sanitarie o midiant di SESAMO e garantìs la assegnazion imediade dal Miedi.

La Anagrafe Sanitarie e je a disposizion par cualsisedi informazion al numar 0432909165 il martars des 9.00 aes 12.30, la joibe des 14.00 aes 16.00 e il vinars des 9.00 aes 10.00, o pûr mandant un messaç di pueste eletroniche ae direzion:

anagrafe.sanitaria1.dist.codr@asufc.sanita.fvg.it

cambiomedicocodroipo@asufc.sanita.fvg.it