Distret de Cjargne: gnûfs oraris pai ambulatoris di valade
martars 11 di Lui dal 2023
Intai Comuns di Cjavaç, Verzegnis, Paluce e Vile di Cjargne
Il Distret di Tumieç al comuniche che a son stâts fissâts in maniere definitive i oraris dai ambulatoris di valade cun miedis in pension che a dan rispuestis ae dibisugne di assistence sanitarie ai citadins restâts cence Miedi di Medisine Gjenerâl.
I ambulatoris di valade a son atîfs a Cjavaç - Verzegnis, a Paluce e a Vile di Cjargne: a garantissin dutis lis ativitâts dai miedis di medisine gjenerâl, ancje lis visitis a cjase pai pazients che no puedin movisi.
Il miedi di riferiment al è il dotôr Paolomario Bruno (telefon 3494017685).
Chi sot i oraris definitîfs.
Vile di Cjargne
L’ambulatori al è atîf in Place Ex Ferrovia (daûr apontament):
- Lunis 15.00-17.00
- Martars 10.00-12.00
- Vinars 10.30-12.30
Paluce
L’ambulatori al è atîf in Place 21-22 luglio cun chest orari (daûr apontament):
- Miercus 15.00-17.00
- Joibe 10.00-12.00
Cjavaç-Verzegnis
L’ambulatori al è atîf daûr apontament in chescj oraris:
Cjavaç, plaçâl ai Caduti 5
- Lunis 9.00-12.00
- Joibe 14.00-16.00
Verzegnis, vie Udine 2
- Martars 15.00-17.00
- Vinars 08.00-10.00
Si precise che il dotôr Bruno si lu pues contatâ ancje tes zornadis che nol è te sede dal ambulatori, des 8.00 aes 9.00 tal so numar di celulâr, e che al è reperibil su Whatsapp o par pueste eletroniche ae direzion: paolomario.bruno@libero.it