Dî, fâ, zuiâ: la relazion che e jude a cressi
joibe 6 di Març dal 2025
Percors di supuart ae gjenitorialitât (3-6 agns) pai gjenitôrs dai fruts e des frutis che a frecuentin la Scuele de Infanzie
Ce vuelial dî jessi gjenitôrs? Ce fasial o ce no fasial un gjenitôr "avonde bon”? Ce podìno fâ par judâ nestri fi a cressi?
A son tancj i dubis e lis domandis che i gjenitôrs si fasin e che a restin dispès cence rispueste, ancje parcè che, cjapâts dai tancj impegns di ogni dì, no cjatin un moment par rifleti sul lôr rûl tant impuartant.
Chest percors curt al sarà pai gjenitôrs un spazi di confront e di riflession sul rûl e su la funzion gjenitoriâl, su cemût che ognidun al decît di esprimile e di realizâle te vite di ogni dì, ancje tignint cont de esperience che ognidun al à vivût tant che fi te sô storie di vite.
Par informazions e par notâsi scrivi a: donatella.scalabrin@asufc.sanita.fvg.it
I incuintris si fasaran te sede dal Distret Sociosanitari di Udin, in vie Sant Valentin 18/20 a Udin, te ale diestre dal 2nt plan, il martars des 13:30 aes 15:00.
In zonte il calendari complet dai incuintris.