Cors par Operadôr Sociosanitari (OSS): a son disponibii 25 puescj
vinars 19 di Lui dal 2024
Scjadince pe presentazion des domandis: ai 11 di Avost dal 2024
La Aziende Sanitarie Universitarie dal Friûl Centrâl (di chi indenant ASUFC), daûr dal Decret de Regjon Autonome Friûl-Vignesie Julie n. 17749/GRFVG dai 19/04/23, e istituìs pal an 2023, n. 1 percors par otignî la cualifiche di Operadôr sociosanitari (OSS).
L’OSS al è la figure professionâl che e davuelç ativitâts in ambit sanitari e sociâl per sodisfâ lis dibisugnis primariis de persone e favorî il so benstâ e la sô autonomie.
I puescj a disposizion a son 25 e lis domandis di iscrizion si àn di mandâ dentri dai 11 di Avost dal 2024.
Il cors al è gratuit, si fasarà di Setembar dal 2024 a Jugn dal 2025 tes sedis de ASUFC e al à une durade di 1000 oris, dividudis in cheste maniere: 434 di teorie, 100 pratiche e esercitazions, 450 di tirocini, 16 pal esam.
Ae fin dal cors, une volte passât l’esam, al ven dât un atestât di cualifiche professionâl di “OPERADÔR SOCIOSANITARI”, che al corispuint al nivel 3 EQF (Cuadri european des cualifichis).
Intai documents in zonte si puedin cjatâ dutis lis informazions, il bant e la domande di iscrizion.