Finît il prin cors di formazion complementâr in assistence sanitarie par OSS-C de ASUFC
joibe 13 di Avrîl dal 2023
Si è concludude cui esams finâi la prime edizion dal cors di Formazion complementâr in assistence sanitarie par OSS-C, pai Operadôrs sociosanitaris che a àn za la cualifiche OSS.
Il cors, gjestît in maniere direte de ASUFC - Struture “Formazion e Valorizazion dal personâl”, al à lât daûr de Progjetazion, Selezion e Organizazion de ativitât didatiche e di tirocini in colaborazion cu lis diviersis Struturis aziendâls coinvoltis.
Il cors, al è durât in dut 400 oris; al è stât inviât a Otubar 2022; al à previodût 200 oris di teorie, fatis inte sale dal Dipartiment di Prevenzion de ASUFC, 192 oris di tirocini e 8 di esams finâi, che si son fats cu la Comission nomenade de Regjon F-VJ.
I arlêfs a àn sostignût une prove teoriche (un test di 30 domandis a rispueste multiple) e une prove di simulazion pratiche, sui procès di vore plui impuartants tal contest sociosanitari pe OSS cun formazion complementâr, fate intai “spazis di simulazion” destinâts di pueste de ASUFC inte sede dal cors.
Ducj i 17 arlêfs ametûts al esam, a àn passât in maniere brilante lis provis otignint un Atestât di frecuence, cui compliments de Comission.
Il dotôr Denis Caporale, Diretôr Gjenerâl de ASUFC, martars ai 11 di Avrîl aes 9.00 al sarà presint ae consegne dai atestâts, te sale dal Dipartiment di Prevenzion: chest, ancje par confermâ l'impegn de Aziende sanitarie e la sodisfazion pal risultât otignût di chest percors pal disvilup di cualchi aree di competence specifiche inte valorizazion dal profîl de OSS.
La dotore Marin Barbo, Responsabile de Formazion e de Valorizazion dal Personâl e la dotore Maura Mesaglio, Responsabile dal Servizi Professionâl di Assistence Infermieristiche e Ostetriche, a ringraciin pe colaborazion preziose: il diretôr dal cors, il grup di lavôr de Formazion, i coleghis des Risorsis Umanis, i components de Comission, i docents e ducj i tutors professioniscj di cheste Aziende cjapâts dentri intal percors.
Informazions: Formazion e Valorizazion dal personâl
0432554330 - 0432554336 – mail formazione@asufc.sanita.fvg.it