Cors di formazion di base par volontaris socisanitaris
lunis 26 di Fevrâr dal 2024
A Glemone dai 5 di Març
La Associazione per il Volontariato nelle Unità Locali dei Servizi Socio Sanitari (A.V.U.L.S.S.) di Glemone, cul patrocini de ASUFC, e inmanee un cors di formazion di base pal volontariât: un percors fat di pueste par dâ lis indicazions che a coventin par judâ lis personis che a àn bisugne.
Il cors al tacarà martars ai 5 di Març aes 20.00 te sale “Lodolo” dal Presidi pe Salût di Glemone (place Rodolone, 2).
Culì in zonte a son la locandine e il program.