Control di comestibilitât dai foncs pai privâts – an 2024
joibe 3 di Otubar dal 2024
Servizi gratuit cui 7 di Otubar
Dai 7 di Otubar ai 18 di Novembar dal 2024 al tornarà a vierzi al public il servizi di control dai foncs par consum personâl inmaneât dal Ispetorât micologjic de Aziende Sanitarie Universitarie dal Friûl di Mieç.
In graciis de colaborazion cu la direzion di Udine Mercati, ancje chest an il servizi al sarà atîf il lunis, des 9.00 aes 11.00 te jentrade principâl dal Marcjât des pomis e des jerbis di Udin, in plaçâl dell’Agricoltura, 16. In chei altris dîs de setemane il servizi al sarà garantît daûr apontament.
Il control al è gratuit e si invidin i citadins a contatâ il personâl dal Ispetorât prin di mangjâ i foncs.
Tra lis racomandazions plui comunis, si rimarche la impuartance di lavâ i foncs plui voltis cu la aghe e di fâju cuei a dilunc se no je stade dade une indicazion diferente. No mangjâ, pal solit, foncs crûts o pôc cuets. Fâlu dome cu la autorizazion dal ispetôr micologjic. I foncs no son facii di digjerî e duncje no si à di mangjânt masse. Infin, si à di tignî cont dal fat che la valutazion di comestibilitât tai libris no je simpri inzornade.
Par informazions e aprofondiments si pues consultâ il volantin in zonte.