Comunicazion FSE PLUS 2021/2027 PS 30/23, an educatîf 2024/2025: tai des retis par acedi ai servizis educatîfs pe prime infanzie
vinars 17 di Mai dal 2024
Scjadince ai 31 di Mai
Il contribût pe diminuzion des retis al è un jutori economic ae font che al taie lis retis che lis fameis a àn di paiâ par doprâ i servizis pe prime infanzie increditâts o “daûr a jessi increditâts”, indreçâts ai fruts dai 3 ai 36 mês.
In graciis di chest intervent, i servizis educatîfs a tegnin cont dal benefici che al tocje ae famee gjavantlu dal totâl de rete mensîl, cussì lis fameis a puedin paiâ daurman une rete plui basse ogni mês.
L’intervent al è finanziât ancje cun risorsis dal FSE+ e al è indreçât ancje aes fameis che a son in cundizions di disvantaç; l’obietîf al è chel di favorî l’ecuilibri tra lavôr e famee, par che i minôrs di etât a vedin cundizions di vite plui buinis.
La Regjon, intal ambit de programazion comunitarie 2021-2027 dal fonts Sociâl European Plus, e vûl implementâ lis misuris par taiâ lis retis dai servizis educatîfs regjonâls pe prime infanzie (articul 15 de L.R. 20/2005) cun risorsis integrativis che a permetin di slargjâ il numar di fameis che a puedin acedi ai beneficis, cuntune atenzion particolâr ancje pes fameis che a son in cundizions di disvantaç economic e sociâl, di mût che i timps di vite e di lavôr a sedin ben conciliâts.
In zonte i avîs par ogni ambit teritoriâl.
La presentazion de domande e scjât ai 31 di Mai.