Distret sociosanitari Culinâr: trasferiment dal servizi AFIR
Il servizi al è sierât ai 8 e 9 di Jugn, al torne a vierzi cun regolaritât ai 10 di Jugn
La Direzion dal Distret sociosanitari Culinâr e vise che lunis ai 8 di Jugn il Servizi AFIR, dedicât ae furnidure direte di dispositîfs sanitaris e di presidis a caric dal Servizi Sanitari Regjonâl, si trasferìs te Cjase de Comunitât di San Denêl, che e je in vie Carducci n. 5, cun modifiche dai oraris pal public e des modalitâts di distribuzion dai materiâi.
Par permeti di trasferî il servizi il sportel pal public al sarà sierât lunis ai 8 e martars ai 9 di Jugn; il servizi al tornarà a vierzi cun regolaritât ai 10 di Jugn.
Il Sportel al sarà viert in chestis zornadis e oraris:
- martars des 11.00 aes 14.00
- joibe des 11.00 aes 14.00
- vinars des 11.00 aes 14.00
I materiâi a saran consegnâts dome daûr apontament.
Par domandâ la furnidure di dispositîfs e di materiâi o par modificâ i ordins za programâts, si podarà contatâ il Servizi clamant il numar 0432 949623 dal lunis al vinars des 9.00 aes 11.00.
La gnove direzion di pueste eletroniche dal Servizi dulà mandâ lis prescrizions, la rinovazion dal plan terapeutic o altris comunicazions e je: afir.sandaniele@asufc.sanita.fvg.it.
La sede dal Servizi AFIR e je tal plan semisoterani de Cjase de Comunitât e si jentre direts de stradele in bande de struture (la jentrade dal semisoterani e je la stesse de Vuardie Mediche).
I utents che si movin a pît a jentrin te Cjase de Comunitât di vie Carducci n. 5; chei che no puedin cjaminâ o che a àn di ritirâ materiâi voluminôs a puedin jentrâ di vie Dalmazie 33, sunant il citofon tal porton de Residence pai Anzians, e rivant te aree di soste temporanie dongje de jentrade dal semisoterani.