Distret sociosanitari Friûl di Mieç (Codroip): comunicazion pai pazients dal Pediatre dot. Tasso
La Direzion dal Distret sociosanitari Friûl di Mieç e informe che il Pediatre di Libare Sielte dot. Maurizio Tasso al lassarà la sô incarghe ai 31 di Zenâr.
Ai 26 di Zenâr e à rispuindût in maniere positive al avîs di ricercje la dot.e Francesca Larotonda, Pediatre di Libare Sielte, che e à acetât une incarghe a tacâ dal 1n di Fevrâr in sostituzion dal dot. Maurizio Tasso.
La dot.e Francesca Larotonda, che e à l'ambulatori a Mortean li dal "Punto Salute" (ex CAP) Vie XXV di Avrîl, 5 - telefon 3513708777, e ricevarà i pazients su apontament, in chestis zornadis e oraris:
- lunis des 15.00 aes 18.00
- martars des 9.30 aes 12.30
- miercus des 9.30 aes 12.30
- joibe des 15.00 aes 18.00
- vinars des 9.30 aes 12.30
Par facilitâ l'iter aministratîf e garantî la continuitât dal servizi di assistence primarie ai piçui pazients, ducj i minôrs in etât pediatriche za assistûts dal dot. Maurizio Tasso a saran assegnâts di ufici ae dot.e Francesca Larotonda e a podaran rivolzisi ae gnove Pediatre cu la stesse tessare sanitarie, ancje se parsore e à la iscrizion cul Pediatre che al à finît il servizi.
Par chest motîf no coventin pratichis aministrativis in plui e nancje rivolzisi ae Anagrafe Sanitarie par notâ i fruts cu la dot.e Larotonda.
Dut câs al sarà pussibil modificâ in ogni moment la sielte de Pediatre assegnade, dot.e Francesca Larotonda, cuntun altri Pediatre dal ambit teritoriâl che al cjape dentri i Comuns che a fasin part dal Distret dal Friûl di Mieç (Basilian, Bertiûl, Cjamin dal Tiliment, Cjasteons di Strade, Codroip, Listize, Merêt di Tombe, Mortean, Sedean, Talmassons, Vildivar) o comuns dongje cun puescj a disposizion.
Al è pussibil contatâ par telefon la Anagrafe Sanitarie al numar 0432 1910165 dal lunis al vinars, des 9.00 aes 11.00 par cualsisedi sclariment in merit al trasferiment dai pazients dal dot. Tasso ae dot.e Larotonda o ae disponibilitât di puescj cun altris Pediatris, par evitâ di spietâ par dibant denant dai Sportei.