Distret sociosanitari Friûl di Mieç (Codroip): ambulatori distretuâl par ex pazients dai dotôrs Trina e Lapadula
Dai 21 di Zenâr
La Direzion dal Distret sociosanitari Friûl di Mieç e informe che di miercus ai 21 di Zenâr al è atîf un Ambulatori Distretuâl di Assistence Primarie pai ex pazients dai dotôrs Trina Massimiliano e Lapadula Franco che in chest moment a son ancjemò cence di un Miedi di Medisine Gjenerâl.
L'Ambulatori, gjestît de dot.e Passerino Noelia, al sarà atîf te sede dai Poliambulatoris distretuâi (Codroip, Viâl Venit, 33, prin plan) in chestis zornadis e oraris:
- lunis des 8.30 aes 11.30
- miercus des 15.00 aes 18.00
- joibe des 15.00 aes 18.00
Si pues jentrâ tal ambulatori dome daûr apontament clamant il numar 3357991197 dal lunis al vinars des 9:00 aes 12:30.
Il Miedi presint tal Ambulatori, che nol pues jessi assegnât, al proviodarà a fâ lis visitis tal ambulatori a furnî certificazions, prescrizions di visitis specialistichis e di medisinâi.
Par domandis di prescrizions di medisinâi, visitis specialistichis o esams si à di mandâ une email a cheste direzion di pueste eletroniche: noelia.passerino@asufc.sanita.fvg.it