Distret sociosanitari Friûl di Mieç (Codroip): comunicazion pai pazients dal dot. Soramel

La Direzion dal Distret sociosanitari Friûl di Mieç (Codroip) e vise che cul 1n di Setembar il dot. Alberto Soramel al finirà la ativitât di miedi di medisine gjenerâl tal ambit teritoriâl dal Distret dal Friûl di Mieç, che al cjape dentri i Comuns di Basilian, Bertiûl, Cjamin dal Tiliment, Cjasteons di Strade, Codroip, Listize, Merêt di Tombe, Mortean, Sedean, Talmassons, Vildivar.

Cun lunis il 1n di Setembar al sarà in servizi un ambulatori distretuâl par ducj i pazients za assistûts dal dot. Soramel, che a saran cence miedi di medisine gjenerâl, e al sarà gjestît dal dot. Angelo Morelli (libar professionist), che duncje nol podarà jessi assegnât di ufici o cun sielte libare.

La ativitât ambulatoriâl, che si fasarà te sede dai Poliambulatoris in viâl Veneto, 33 a Codroip, e sarà operative in chescj dîs e oraris:

· lunis des 9.30 aes 12.30

· martars des 9.30 aes 13.30

· miercus des 14.00 aes 19.00

· joibe des 9.30 aes 12.30

Par prenotâ un apontament si pues contatâ la Segretarie al numar 3357991197, che e rispuint di lunis a vinars des 9.00 aes 12.00.

Si podaran domandâ recipis e/o impegnativis scrivint ae direzion di pueste eletroniche dal dot. Morelli angelomorelli50@gmail.com.

La Anagrafe Sanitarie e reste a disposizion dal public par ogni informazion in chescj oraris:

· lunis des 9.00 aes 13.00 - acès cun apontament

· martars des 14.00 aes 17.00 - acès libar e diret

· miercus des 9.00 aes 13.00 - acès cun apontament

· joibe des 9.00 aes 11.00 - acès cun apontament

e si pues contatâle clamant il numar 0432 1910165 (di lunis a vinars des 9.00 aes 11.00) o pûr ai recapits di pueste eletroniche:

· anagrafe.sanitaria1.dist.codr@asufc.sanita.fvg.it

· cambiomedicocodroipo@asufc.sanita.fvg.it