Ogjet: Decret leç n. 162 dai 31.10.2022. Cessazion anticipade dal oblic di vacine - Al torne in servizi il personâl dipendent de ASUFC sospindût
miercus 9 di Novembar dal 2022
A dut il personâl ASUFC
Si comuniche che l'articul 7 dal Decret Leç n. 162 publicât ai 31 di Otubar dal 2022 al anticipe al 1n di Novembar dal 2022 la scjadince dal oblic di vacine pai sanitaris, pai operadôrs sociosanitaris e ancje par ducj chei altris operadôrs che a lavorin intes struturis sanitariis e sociosanitariis.
Si che duncje, ducj i proviodiments cjapâts des aziendis sanitariis tant che autoritât sanitarie, dai Ordins professionâi, dai datôrs di lavôr, a àn pierdût il lôr efiet a partî dai 2 di Novembar dal 2022.
Chest al vâl ancje pai professioniscj iscrits tes listis.
Dopo di cheste premesse, il personâl dipendent de ASUFC sospindût pal aciertament de violazion dal oblic di vacine, al è autorizât a tornâ a vore.
Duncje, chest personâl al pues metisi dacuardi cui siei Responsabii o Coordenadôrs pai adempiments necessaris par podê tornâ in servizi.
I uficis des Risorsis umanis de Aziende a judaran il personâl che al torne in servizi pai aspiets aministratîfs e economics, cun comunicazions sucessivis.
Si pant cheste comunicazion, restant in spiete di gnovis indicazions statâls, regjonâls e aziendâls dal câs.
IL DIRETÔR GJENERÂL
dot. Denis Caporale