Distret dal Friûl di Mieç (Codroip): cessazion miedi di medisine gjenerâl dotôr Striato

La Direzion dal Distret di Codroip e informe che ai 31 di Març dal 2024 al finirà la sô ativitât professionâl il miedi di medisine gjenerâl dotôr Franco Striato.

Stant che il gnûf miedi di assistence primarie nol pues jessi assegnât di ufici, par vie che la normative in materie e previôt la libertât di sielte dal citadin, si invidin i pazients dal dotôr Striato a sielzi un altri miedi tra chei di medisine gjenerâl dal ambit teritoriâl che al cjape dentri i Comuns dal Distret di Codroip (Basilian, Bertiûl, Cjamin dal Tiliment, Cjasteons di Strade, Codroip, Listize, Merêt di Tombe, Mortean, Sedean, Talmassons, Vildivar), cun disponibilitât di puescj, che la liste si pues consultâ tai Sportei de Anagrafe Sanitarie.

Cemût fâ par sielzi il gnûf miedi

La sielte dal gnûf miedi si podarà fâ:

• intai Sportei de Anagrafe sanitarie di Codroip (viâl Duodo, 82 - plan tiere) che, in vie ecezionâl, di martars ai 2 di Avrîl fin a martars ai 9 di Avrîl a saran vierts al public cun acès libar e diret (nol covente fissâ un apontament) cun chest orari:

martars ai 2 di Avrîl        14.00-17.00

         miercus ai 3 di Avrîl         9.00-13.00

                 joibe ai 4 di Avrîl               9.00-12.30

                vinars ai 5 di Avrîl           10.30-12.00

                lunis  ai 8 di Avrîl               9.00-12.30

                 martars  ai 9 di Avrîl      14.00-17.00

Si à di presentâsi li dai Sportei de Anagrafe Sanitarie cu la tessare sanitarie di cjarte e la letare di chest avîs, che e je stade inviade par pueste al propri domicili. La pierdite/robarie/fruie de tessare sanitarie di cjarte si podaran declarâ doprant il modul “Richiesta tessera sanitaria smarrimento furto usura” che si pues discjamâ di chest link (https://asufc.sanita.fvg.it/it/schede/modulistica_distretti.html)

• online, tal Portâl SESAMO https://sesamo.sanita.fvg.it/sesamo/#/index, jentrant cul Sisteme Public di Identitât Digjitâl (SPID), cu la Cjarte di identitât eletroniche (CIE) o cu la Cjarte regjonâl/nazionâl dai servizis (CRS o CNS). Il Portâl al permet di cambiâ il Miedi curant cuntun di chei che a son disponibii tal moment che si jentre tal Sisteme, intal Ambit li che al è dentri il domicili sanitari di cui che al fâs domande
• mandant une e-mail ae direzion di pueste eletroniche cambiomedicocodroipo@asufc.sanita.fvg.it doprant il modul in zonte, adun cuntun document di identitât valit, e comunicant il miedi che si à sielt. Si ricuarde che cheste opzion e podarà cambiâ tal câs che il miedi sielt nol sedi plui disponibil. Si precise che lis domandis mandadis par e-mail a vignaran lavoradis daûr dal ordin cronologjic che a son rivadis, dentri di 4/5 dîs di vore, tignint cont dai oraris che i sportei a son vierts al public.

Dome la sielte tai Sportei de Anagrafe Sanitarie o midiant di SESAMO e garantìs la assegnazion imediade dal Miedi.

La Anagrafe Sanitarie e je a disposizion par cualsisedi informazion al numar 0432909165 il martars des 9.00 aes 12.30, la joibe des 14.00 aes 16.00 e il vinars des 9.00 aes 10.00, o pûr mandant un messaç di pueste eletroniche aes direzions:

anagrafe.sanitaria1.dist.codr@asufc.sanita.fvg.it

cambiomedicocodroipo@asufc.sanita.fvg.it